فيسبوك
واتساب
لو كان صحيح اللى حصل
تبقى الحياة ح تكون عسل
لا فيه رشاوى ولا فساد
و لا ظلم ياكل ف العباد
يبقى يا صاحبى فيه أمل
ترجع بلدنا لمجدها
و تلم فلذات كبدها
و يدوق ولادها عزها
و ينضرب بيها المثل
و نبتدى عهد جديد
بإرادة اقوى من الحديد
و أبن بلدنا يعيش سعيد
و همنا يكون العمل
نبنى حضارة عصرنا
و نعلى راية مصرنا
نرفع أيدينا لربنا
لجل ما يرضى عننا
نقدر نحقق حلمنا
واللى ح يجيوا بعدنا
ح يضربوا بينا المثل
و يعيشوا مع نور الأمل
و يعيشوا مع نور الأمل
النيل
