أشرف السيد الشربينى معوض يكتب: مصر تنهض

الجمعة، 07 أغسطس 2015 02:22 ص

جانب من حفر القناة

مصر تنهض.. مصر تفرح
رغم الألم.. فى كل مطرح
أبناء كتير سالت دماها
ودموع بتبكى فى ألف مطرح
***
أٌم اللى كان على الحدود
حامى البلاد.. حالف يعود
بعد ما يجيب الأمان
لأجل ما يبنى الوطن
***
أم الشهيد نادت وقالت
ابنى أمانة من السما
ورب السما أخد أمانته
دلوقتى سددت الديون
***
ابن الوطن قال هانحفر
شريان جديد للحياة
والمخلصين من الوطن
ردوا وقالوا: واحنا معاك
***
كل الفؤوس اتجمعت
شقوا شريان الحياة
وبتوفيق من ربنا
حفرنا بأيدينا القناة