زوجة فى دعوى الطلاق: زوجى بيعايرنى بالعنّوسة.. والزوج: نكدية وبتتلكك

أقامت الزوجة "رضوى.ك" دعوى طلاق للضرر بمحكمة الأسرة بالجيزة، ضد زوجها "عادل.ج"، وطالبت بالتفريق بينهما، بعد أن اكتشفت أنها تسرعت بالزواج منه والدخول فى خلافات لا حصر لها وأنهما غير متفاهمين ويعايرها زوجها بزواجه منها رغم كبر سنها على حد قولها.

وحملت الدعوى رقم 1987 لسنة 2015 وقالت الزوجة فيها: أنا خريجة جامعية بتقدير امتياز، وبدأت فى التحضير للدراسات العليا وبعدها الدكتوراه، وبسبب ذلك قررت أن الوقت لم يحن بعد للارتباط، وخصوصا أن كل العرسان المتقدمين لا يتساوون معى فى المرتبة إلى أن جاء لى أخى بعريس وقالت أمى أنه لا يصح أن أرفضه لكى لا يفوتنى قطار الزواج.

وتابعت الزوجة: "تعاملت معه كأنى مش متعلمة واتجوزت المهندس عادل بس للأسف شفت الويل من الإهانة واتضح أننا مش متفقين وهو اللى قال كدا، ولكنه كان عايز يكمل فى الجوازه عشان مستخسر يطلق ويتجوز من جديد".

فيما رد الزوج على ادعاءات زوجته: "مكنتش عارف إنها نكدية بس اكتشفت بعد زواجى منها أنها كانت بتتلكك بالمشاكل وعشان مرة قلت لها أنتِ كبيرة فى السن وعندك 35 سنة واتجوزتك، فطلبت الطلاق وسابت البيت وعايزه تاخد كل حقوقها رغم أننا مكملناش سنة زواج وهى اللى عايزه تدمر بيتنا".