تظاهر صغار الفلاحين بالبحيرة أمام مجلس الوزراء للمطالبة بتسجيل الأراضى

نظم عدد من صغار الفلاحين بمركز البحيرة وقفة احتجاجية ظهر يوم الأحد، أمام مكتب شكاوى مجلس الوزراء بشارع حسين حجازى، للمطالبة بتسجيل الأراضى بأسماء الفلاحين ودخول المرافق، بالإضافة إلى تظاهر صغار الفلاحين من محافظة بنى سويف للمطالبة بخفض نسبة الإيجار.

وقال عبد الفتاح أبو بكر أحد المحتجين من محافظة البحيرة: "احنا قدمنا فى الأراضى اللى تبع النقابة العامة للفلاحين وبعنا اللى قدمنا واللى ورانا وروحنا عشان ندفع 50 ألف جنيه فى بنك التنمية الزراعى عشان نستلم الأرض وبعد سنة استلمنا من غير مرافق والعقد مكتوب أن استلام الأراضى بالمرافق كاملة أحنا عايزين نعرف دى فعلا أراضينا ولا لا وبنطالب بكتابة الأراضى بأسامينا وعايزين دخول كهرباء عشان نعرف نزرع بقالنا 3 سنين على الحال ده ولما جانا نكمل الأقساط لقانا الحساب مقفول".

وقال أحد الفلاحين المحتجين: "أحنا كان إيجار أراضينا 460 واتغير ثمن الإيجار إلى 4200 من سنة 2013 والأراضى محصولها ضعيف هندفع الإيجار ده إزاى أحنا بنطالب بخفض نسبة الإيجار حتى ولو لـ1000 جنيه عشان نقدر ندفع الإيجار".