ماهيش غابة
دى مصر بلدنا بوابة
ترابها ياقوت
شجرها التوت
عيونها تفوت
ومغرم بيها وصبابة
وعشت سنين حنين فيها
وبحلم بكرة ألاقيها
زهور فى ربيع
وفيض ينابيع
وعمرى مابيع
ف لحظة ياناس أهاليهـــــا
ورفرف قلبى فـ دروبها
بعيش ف الدنيا أواكبها
جناحى لفوق
وكلِ أنا شوق
ف بكرة تروق
وأقول مواويل تناسبها
ياأم عطاشة أروينا
بحبك إنتِ يامدينة
منين مابروح
سكنتى الروح
وقلبى يبوح
ولو مجروح ماتنسينا
وياما حزنتى ياحبيبة
وكان الصبر تاج رأسك
وعمرى ماشفت يوم عيبه
أصيلة وساكتة بين ناسك
سنين فى عذاب
وقلبى أنا داب
ف حبــك شاب
ياساكنة قلبى ياقريبة
علم مصر
