بالفيديو.. المواطن فاروق للمسئولين: “محتاج شغل وعلاج لبنتى”

وجه المواطن فاروق حسن، رسالة إلى المسئولين، قائلاً:”أنا بنتى عندها 15 سنة ومن ثلاث سنين أصيبت بفيروس اخترق النخاع الشوكى جعلها مش عارفة تمشى وقاعدة على كرسى متحرك والسنة دى حصلت على شهادة الإعدادية بمجموع 85% وكنا بنجيبلها مدرسين فى البيت وماكنتش بتروح المدرسة وحاولت أروح لكل الأطباء وكلهم أجمعوا حول أنها لازم تعمل علاج طبيعى وأن تقوم تمشى ده فى علم الغيب فطبعا أنا صرفت كل فلوسى عليها “.


وأضاف”:”أنا بطالب الناس الخيرة إذا كانت متمثلة فى الدولة أو المسئولين وأنا عايز حد يساهم فى علاجها.. أنا حاصل على بكالوريوس تجارة من جامعة عين شمس، وكنت بشتغل محاسب فى شركة بعد 25 يناير الشركة اتصفت واستغنيت عن ناس كتير وأنا منهم وحالياً مش مستقر فى أى وظيفة وعندى بنات”.