فيسبوك
واتساب
نفسى ف نسمة صيف .. تخلى الجو لطيف
نفسى الحر يهدى شويه .. أحسن مش طايق اللى عليه
نفسى الشمس ما تحماشى .. أحسن أنا على رجلى ماشى
نفسى فى حبة هوا تعدى .. ولا تمشى بسرعة وتهدى
نفسى ما يبقاش فيه رطوبة .. حاسس إنى ف راسى مية طوبة
نفسى الميه ماتقطعشى .. وميه ساقعة أروى بيها عطشى
نفسى ف شقة بطيخ .. وجبنة إسطمبولى مع رغيف
أو فى شوية عنب ساقعين .. تبقى عنب ومش طماعين
ولا ف شوب قصب ساقع .. وأنا من الشغل للبيت راجع
نفسى ف نسمة صيف .. أجمل من هوا التكييف
ارتفاع درجات الحرارة - أرشيفية
