"انقد مسلسلك" منة زكى تكتب:"حارة اليهود" مسلسل قمة فى الرقى

فى استجابة لخدمة "انقد مسلسلك" ينشر "اليوم السابع" رأى القارئة منة زكى حول مسلسل "حارة اليهود" وهو كالتالى: مبدئيا كدة مسلسل ‫ ‏حارة اليهود‬ ده مسلسل قمة فى الرقى، فهمت حاجات كتير مكنتش فهماها، فهمت إن كان فى يهود فى مصر ما يستحقوش إنهم يطردوا ويمشوا من بلدهم، فهمت إن كان فى يهود فى مصر عندهم وطنية وانتماء للبلد دى فى الوقت اللى كان ممكن يكون فى واحد مصرى مسلم جاسوس للإنجليز، فهمت إن فى فرق شنيع بين اليهودية والصهيونية.

وأضافت مشهد ‫‏منة شلبى‬ لما أخوها الصهيونى وبنت لبنانية صهيونية قتلوا طفل فلسطينى وهى ليلى (منة) دخلت تضربهم وتقول "أنتوا مجرمين أنتو ماتفرقوش حاجة عن هتلر رجعونى مصر رجعونى بلدى" أثر فيا جدا، أخوها ساب الصهاينة اللى زيه ياخدوها وهو عارف إنها ممكن تموت بس مفرقش معاه أى حاجة، وإسرائيل أهم من أخته، زى ما القائد بتاعه قاله الصهاينة هم اللى بنوا إسرائيل من دم أطفال و ستات ورجالة فلسطين، إنما اليهود (اللى مش صهاينة) ناس ملهومش ذنب غير إنهم اتاخدوا بذنب الكلاب التانيين، اليهود أهل كتاب زيهم زى النصارى، الرسول وصانا ع النصارى، وقالنا نحرص من اليهود بس مختلفش معانا فى إنهم أهل كتاب، معرفش هفضل شايفة إن بعض اليهود اللى كانوا فى مصر كان فيهم جانب كويس وإنسانى والظروف هى اللى رمتهم فى إسرائيل لأنهم اطردوا من موطنهم ولا النهاية هتختلف بس أدينى مستنية"

رأى القارى ينم عن وجهة نظرة ولا يعبر عن رأى "اليوم السابع".