يا أخواته ............... يا أهله .........
يا كل وطنه وناسه وأحبابه..............
ببعث ليكم عزايا وكل ولاد بلدى والمخلصين معايا.... بس اسمعوا
اوعوا تحزنوا .... قوموا زغردوا ..!! ؟ أصل الشهيد بشهادته دى .. نال جنة ربنا .
وبقولكم......... معلش اتحملوا .......... فدا مصر ................. للآلام استحملوا.
اتجملوا... و اوعو تصوتوا ... ولا تشقوا الهدوم........ولا تلطموا .... أصل الشهيد يزعل منكم .
وقولوا... قولوا للإرهاب .... مهما عملت مش هترهبنا...........وحتى لو خذت حته مننا
ونور عيونا وفلذة كبدنا
هنقول يا رب .. ومش هنستسلم لإرهاب حتى لو كان أد طوب الأرض .. هنقوم تانى وهناخد بتار ولادنا بالطول أو بالعرض.. عشان بلدنا وكمان ولادنا اللى احتسبانهم خلاص لوجه الله.
وبرده تانى بقول لكل من فقد حبيب .. راح فى ضربة من إرهاب خسيس وكمان فى شهر الخير والفضل والغفران ..
مش هتقهرنا على عيالنا.......دول أمانة كانت عندنا .........دول راحو لصاحب جنة الرضوان ........... يعنى فى أعلى الجنان
واتزفوا بالملائكة ومع الحور العين خلاص ...... مكتوبالهم ... متقولش واسطة ولا مسئولين
ولا أى كلام ؟.....عارفين .......... راحو فين ؟؟ ومع مين ..... ؟
مع أحلى وأجمل ما خلق رب الأكوان.... اللى وعد أنهم فى الجنة.. مع صحبة الأنبياء والصديقين.
تم أضافة تعليقك سوف يظهر بعد المراجعة