بالفيديو.. مأساة صاحبة مقولة "خدت 5 مليار يا باسم".. المرض ينهش جسد ابن "أم محمد" وتناشد الرئيس علاج ابنها بعد فشل عملية الأوردة العصبية.. وتنهار من البكاء: «جيه الوقت اللى مصر تقف جنبى»

«خدت 5 مليار يا باسم.. هنشيلك».. أم محمد السيدة "الحديدية" التى وقفت بقوة ضد برنامج باسم يوسف الساخر، تمر الآن أم محمد بحالة من الضعف والوهن بعد تعرض ابنها لوعكة صحية ألزمته الفراش، وعندما لجأت إلى مستشفى معهد ناصر، فشلت العملية الجراحية التى أجريت له فى الأوردة العصبية، ما أدى إلى تهتك بعضها وأصبح غير قادر على الحركة، أو مسيطر على أعصابه.

علامات الحزن ترافق "أم محمد" والتى انهارت بالبكاء بعد أن أتعبها المرض هى الأخرى بعد إصابتها بمرض الكبد، تكتم آلامها وتتألم لمرض ابنها الذى لم يتجاوز 19 عامًا، بدأت "أم محمد" رواية مأساتها لـ"فيديو 7 ..قناة اليوم السابع": «جيه الوقت اللى مصر تقف جنبى، أنا مش محتاجة حاجة غير أنى أعالج ابنى، وهو محتاج عملتين واحدة فى الأوردة العصبية والتانية عملية فى العظام، أنا ابنى نصه التحتانى ميت مبيتحركش ومليش غير ربنا».

وأضافت "أم محمد": «أنا تعبانة ومريضة بالكبد، ومطلبتش أعالج نفسى كل اللى بطلبه أنى أعالج ابنى، وكل اللى يهمنى ابنى محتاج عمليتين، ومحدش بيسأل فيا وابنى هيموت منى، مش مهم أنا ممكن أموت فى أى وقت إنما مين هيبقالوا أنا اللى باكلوا وشربوا وادخلوا الحمام» .

وتابعت "أم محمد" : «بطلب منك يا سيادة الرئيس تقف جنبى أنا اللى وقفت ضد الإرهاب، كل أسبوع أروح العيادة الخارجية ويرفضوا يعالجوا ابنى أو يعملولى العملية، مطلبتش عمرة ولا حج ولا شقة ولا فلوس، أنا نفسى أشوف ابنى بيتعالج وبيمشى على رجليه».

واستغاثت "أم محمد" بوزير الصحة والرئيس السيسى بضرورة إجراء عملية جراحية عاجلة بعد أن ألزمه المرض الفراش وعدم القدرة على الحركة، وحصولها على قرار بعلاج ابنها على نفقة الدولة إلا أن المسئولين بإدارة المستشفى يمتنعون عن اتخاذ الإجراءات اللازمة لعمل العملية.