دستور عيونك
مُشكلة
مِستقوى طول الوقت
ليه؟
فيه المواد متعدلة
والحُب مادة ثالثة
فيه
ليه ماسكة برآية القلوب
وبريتى سِن الحُب
لجل تخططى
وتخلى اسمك
فوق جدار
القلب منقوش
جوه فيه
وفردتى فوق
جذع القمر
ورد المحبة
والحنين
وبنيتى كوكب
للفرح
بين ابتسامتك
والأنين
تايه ما بين
وصفك أنا
ما تريحى
قلبى بقىَ
وتقولى ليا
أنتِ مين؟
أنتِ اللى واهبة
للبشر حُب الحياة !
ولا أنتِ مخلوقة
عشان
قلبى ما يبقاش
يوم حزين
إيه ذنب إنى
أكون
ف محرابك أسير
واتمشى فوق
رمشك
واتغطى من
برد الآهات
جوه عيون
مرساها بين عِشك
وإن توهت عن
كل الوشوش
ما أتوهشى
عن وِشّك
إيه الدلالة
ف إن قلبك
ضحكتى
والضعف والقوة
إية الدلالة
ف إن دايماً
همستك
لامسانى من جوه
إيه الدلالة
ف خطوتك
لما تخطى
ف الفضا
تحتار كتير حوا
إيه الدلالة
ف الدلال
اعترفى إيه
يبقى السبب
والسر إيه هو؟
أرشيفية لحبيبين
