مرسى صدق حاله وفكر نفسه زعيم
الناس دى دماغها فين وبتفهم منين؟
ولا بيصبروا نفسهم ويضحكوا
على بعضهم بكلمتين
وكل اما يتزنقوا يقولوا مكملين
انا عايز اعرف مكملين اية
هو انتم بجد بنى آدمين
دا ولا دم ولا إحساس
ولا عقل ولا قلب ولا ضمير
وحتى لو مفيش السيسى
انتم بح خلاص
انتهى أمركم وحكمتم على نفسكم
قبل ما تحكم عليكم الناس
والناس بتدعى عليكم ليل ونهار
دا مرسى معملش حسنة
يخلى الشعب عليه ندمان
بالعكس كل اللى عمله
انه خلى الناس
تلعن سلسفين ام الثورة والثوار
وعمل لمبارك قيمة ومقام
وطلع عين ابو الشعب الغلبان
والله تستاهلوا كل اللى بيحصلكم
وزيادة كمان
مع انى بكره الظلم والطغيان
بس لازم تعرفوا أن الله حق
وأن البلد أهم من أى جماعة وأى كيان
وأن البلد أهم من مرسى
وملعون أبو الكرسى
مهما كان
وحبوا البلد شوية
وخلوا عندكم رحمة وايمان
والشعب ممكن يسامح فى يوم من الأيام
بس لازم مرسى يعتذر للشعب
ويقول أنا غلطان وندمان
ولازم يعترف أنه هو اللى ضيع البلد
وضيع الثورة كمان
وقتل الحلم وخلاه دخان
وخلى الناس تلعن فى يوم خمسة وعشرين يناير
وتطاطى تبوس جزمة مبارك
مش ده اللى حصل ولا انا غلطان
جايين دلوقتى عاملين أن انتم الثورة والثوار
ومرسى الاستبن فارس الفرسان
ياريت تفوقوا لنفسكم
وكل واحد فيكم يقدم الولاء والطاعة
للبلد وللشعب مش للجماعة
وياريت تفوقوا لنفسكم
لان بصراحة الشعب قرف منكم
ومعدش حاجة اسمها إخوان
ولازم تقعدوا فى جنب مش تعلنوا الحرب والعصيان
وتتمنوا الخير للبلد مع مين ما كان
مش انتم اللى كنتم بتقولوا نقاتلهم بالحب
ولا دا كان شعارات وكلام
ومرسى مش راجع دا لبس بدلة الاعدام
ومن حلاوتها عليه هتاكل منه حتة كمان
الله يخرب بيتك يامرسى انت والإخوان
ارجعوا لربكم واعترفوا بذنبكم ربنا يفك كربكم
على العموم
اذا ما اعترفتوش بالفشل هو اعترف بكم
من زمان
