فيسبوك
واتساب
مُت يا بطل شهيدا.. ونلت شرف الشهادة
موتك فى الأرض عيد.. وفى الآخرة نلت السعادة
استلم روحك ملاك وقلوبنا.. وروحنا معاك
مُحمد نبينا هناك فى الجنة بيستناك
ملايكة وفرحانة بيك شهامة ومزروعة فيك
الجنة ومكتوبة ليك بصحبة أغلى رفيق
أمك فرحانة بيك وبجنة بتناديك
عينها سابقة عينيك شايفالك الطريق
قلبها ولروحها معاك مشتاقة تشوفك هناك
دانت فى عينها ملاك.. والجنة لحظة لئُاك
صبرا يا ام الشهيد فى الجنة هتلائيه
ملايكة فرحانة بيه.. والحور بتناديه
يا اما زعلانة ليه ده دُعانا كله ليه
ملايكة بترئى فيه.. والسما فرحانة بيه
زفوا ابنك عريس، وفى الجنة عايش عزيز
رسولنا ليه ونيس تكريم من العزيز
يا بختك يا شهيد جنة.. وزفة.. وعيد
ملايكة فرحانة بيك.. ورسولنا بيك سعيد
جنازة شهيد ـ أرشيفية
