فيسبوك
واتساب
حفرنا باختيارنا
بالهمة اللى ف قرارنا
والله ما انتظرنا
ولا قلنا مستحيل
لقينا الصعب هين
لقينا الصخر لين
ربك دايما يحنن
ع الطيب والاصيل
انا جيت لما انتى قلتى
ياسينا ياحبيبتى
ياامى وكل عيلتى
ياقمرة ياطيبة
اتمنى بس قولى
اللى تحوزيه تنولى
آخر مدى تطولى
مسافتة قريبة
شلت الرمل بكتافى
وعوافى وميت عوافى
للى جايلك يوافى
وشايلك فى عنيه
ناديتى الكل جالك
وزان الفرح شالك
قوليلى اية فى بالك
اوامرك !! ناقصك اية ؟
عملنا بحر تانى
فيه شط وفى موانى
ولاتخلص الاغانى
من شرم للعريش
والله حاجات تفرح
تشوف الشمس تطرح
أغانى فى كل مطرح
وياشمس ماتغيبيش
يانورس يامصاحب
قلوع كل المراكب
ومودى ناس وجايب
م البحر للسويس
موانى فى كل حتة
متقولشى خمسة ستة
الفين مركب وحاطة
وزينة وميت عريس .
وتفضلوا بقبول وافر التحية والتقدير
ورقة وقلم
