أميرة عادل تكتب: مفيش مبروك

اتعب فى الثانوى وهترتاح بعد كدة، دى اللى هتحدد مستقبلك، ادخل كليات قمة وفرح أهلك بيك، مفيش حد مننا مسمعش الكلام دة بس أسمع منى أنا مفيش الكلام ده.

من واقع تجربتى الثانوية العامة المفروض تكون أسهل مرحلة فى حياتك، اجتهد واتعب بس علشان تدخل اللى أنت عايزة اللى أنت عايزة بس ..

المهم إنك تكون مبسوط بالكلية اللى هتدخلها والأهم انك تكون متميز بعد الكلية، فالوقت دة مبقناش محتاجين غير الشخص المختلف الموهوب المتميز القادر على إثبات كفاءته فالمكان اللى هو عايزه.

احنا محتاجين للمحاسب الشاطر، المدرس المتميز، الدكتور الماهر، الموظف الامين... الخ

متسمعش كلام حد الثانوية العامة مش نهاية المطاف ولا حتى بدايته مجرد زقة بسيطة لاول الطريق اللى ممكن تغيره فى اى وقت.

حتى لو جبت 100% ودخلت كلية بترضى بيها اى حد و بتخالف رغبتك يبقى.. مفيش مبروك.