لما تكون بتتمنى حاجة ولم تنولها تضيع لعله خير
لما تحلم حلم جميل ولما تصحى تلاقى الواقع كابوس لعله خير
لما تكون ماشى فى طريق ووصلت فيه لأعلى مكان وفى لحظة حد أخد مكانك لعله خير
لما تسمع خبر يفرح قلبك وفى لحظة يجيلك خبر يحزن لعله خير.
لما تكون مرتاح البال وتعيش لسعادة غيرك وغيرك ينسالك جميلك لعله خير
لما تكسب حاجات كتير وفى لحظة تخسر كل حاجة لعله خير.
لما تعتذر لحد وهو اللى غلطان فى حقك ويرجع يكرر غلطه لعله خير
......
طالما أنت عايش اتمنى من جديد احلم وبلاش تيأس
امشى فى الطريق من تانى ومتفقدش الأمل
متحزنش طالما تقدر تفرح تفرح نفسك لما تصبر
بلاش تستنى من حد يرد جميل ليك كفاية إنك مرتاح البال وسهل تسعد غيرك
زى ما كسبت كتير سهل تخسر ما هى الحياة كدة مكسب وخسارة
لما تعتذر لحد وأنت غلطان ده يدل إنك إنسان صاحب خلق مش عديم الكرامة
الحياة قدر ولازم نرضى بكل شىء ونرضى بقضاء الله وقدره فى كل حال من الأحوال.. المهم إننا نشكره ونحمده فى الخير والشر .
أرشيفية
مشاركة
اضف تعليقاً واقرأ تعليقات القراء
مشاركة
