بعثة برلين: دندراوى الهوارى- محمد الدسوقى رشدى- محمد الجالى – أسماء مصطفى- ناجى عباس
قال الرئيس عبد الفتاح السيسى، إن الواقع فى المنطقة صعب خاصة الموجود فى سوريا والعراق، مضيفًا "الهدف الاستراتيجى إن احنا نبقى واحد، لأن الخطر كبير جدًا مش بيتجزأ ومش بيتغير".
وأوضح السيسى خلال لقائه بالوفد الإعلامى والشعبى والفنانين المرافقين له فى العاصمة الألمانية برلين، وأبناء الجاليات المصرية بالخارج: "هناك خطر حقيقى على مصر، هناك من قدم فكرتين لإسقاطها، الأولى براقة جدًا وهى تغيير الواقع فى مصر وتدمير مؤسساتها هى السبيل لتحقيق الديمقراطية، وتم تدريس ذلك لبعض الناس، والفكرة الثانية قالوا لهم: مش هنتقدم غير بالدولة الإسلامية، ولا ده صح ولا ده صح من غير عمل ودراسة".
وتابع السيسى: "التنظير لفكرة هدم الدولة وبناء دولة جديدة تم تعليمه لأولادنا الأنقياء الأبرياء، أنت محتاج 50 سنة علشان تعرف يعنى إيه دولة، لو القضاء أو الشرطة اتهدوا هياخدوا كام سنة علشان يرجعوا، المواضيع ماشية كده عشوائى.. محتاجين إن رسالتنا تبقى واضحة وسلوكياتنا يا ترى هتبقى عاملة إزاى؟، إحنا فى أفضل حالاتنا فى العلاقة بين مصر والمصريين فى الخارج، وهنرجع الوزارة اللى هتكون همزة وصل ما بيننا وبين المصريين فى الخارج".
وأضاف السيسى: "عايزين نعمل كيان للمشروعات الصغيرة والمتوسطة، بنعمل لها وزارة علشان تاخد كل الإجراءات المناسبة لنجاح الفكرة، وهى تجربة موجودة فى دول كتير سبقتنا"، مشيرًا إلى أن كرامة مصر رجعت للمصريين، موجهًا حديثه للمصريين فى الخارج: "لازم تعرفوا إن عنينا عليكم ومعاكم وبنحبكم".
وطالب السيسى المصريين فى الخارج بزيارة مصر دائمًا وعدم الانقطاع عنها، وقال: "لو 30 أو 20 من المصريين فى الخارج زاروا مصر ستنتعش السياحة، وأهلاً وسهلاً بكم فى الأجازات بتاعتكم".
موضوعات متعلقة..
- السيسى لرجال الأعمال الألمان: ملتزمون بتعهداتنا تجاه المستثمرين الجادين
- رجال أعمال ألمان: قيادة السيسى الحكيمة منحتنا مناخا آمنا للاستثمار
- الرئيس السيسى يستقبل زعيم الأغلبية بالبرلمان الألمانى
-القناة الأولى بالتليفزيون الألمانى تجرى حوارا مع الرئيس السيسى اليوم
- ابن الدولة يكتب: دروس زيارة ألمانيا.. لا تترك الأخطاء والمغالطات للمتربصين.. مغالطات كارنيجى وصحف غربية تقول أقل من ربع الحقيقة وبعضها يفتقد للمهنية مثلما يفعل بعض إعلامنا
