بعثة برلين: دندراوى الهوارى- محمد الدسوقى رشدى- محمد الجالى – أسماء مصطفى- ناجى عباس
قال الرئيس عبد الفتاح السيسى، "إن كلمة المصريين تعنى كل مصر، ملهمش هدف غير حماية بلدهم، ويحافظوا معايا عليها من الشر وأهله، واللى بيحصل فى مصر محتاج أنه يوصل للناس، جايز يكون السفارات وهيئة الاستعلامات وحتى الإعلام ليس أمامهم فرصة انهم يعرفوا كويس".
أضاف: "محتاجين نقول لكل العالم إن اللى حصل فى بلدنا ده إنجاز، أوعوا تفتكروا إن حد قفز على سلطة أو حاجة، أنا جاى فى مهمة وطنية".
وأكد الرئيس، فى لقائه بالوفد الإعلامى والشعبى والفنانين المرافقين له فى برلين، وأبناء الجاليات المصرية، إن المنطقة كانت تتجه إلى الهاوية، مضيفاً:"طول ما مصر واقفة على رجليها المنطقة واقفة، لأن ربنا أراد ان مصر تبقى دائما عامود تسند اللى حواليها.. اه فيه أحداث فى سيناء وأبراج الكهرباء اللى بيتم استهدافها لكن احنا كل يوم بنتحسن وصبرنا وهنصبر".
