وأكد أن ذلك يعنى أن المصنع حكومى وعلى أرض حكومية وسيستفاد منه بتشغيل أكثر من ألف شاب من أبناء محافظة القليوبية، لافتا إلى أن مشروع الأغذية المدرسية فى وزارة الزراعة من أنجح المشاريع الموجودة فى مصر، قائلا "أعمل بعد 30 يونيو بالبحث عن المشاريع الناجحة بدلا من النقد المستمر".
وأوضح، عبر صفحته على موقع التواصل الاجتماعى "فيس بوك"، أن مدير مشروع الأغذية المدرسية حينما عرضت عليه فكرة بناء مصنع فى القليوبية رحب، وقال له: "يا ريت إحنا معندناش فى القليوبية إلا مصنع واحد صغير فى"شلقان" ولو عملنا ده هنغطى محافظة القليوبية بالكامل وجزء من الشرقية، لكن إحنا محتاجين تخصيص أرض من الدولة لبناء المصنع وإحنا كإدارة ماضيين بروتوكول مع وزارة التربية والتعليم نبنى بيه المصنع فياريت تساعدنا فى تخصيص قطعة الأرض.. بدأنا نشوف قطعة أرض فى شبين القناطر تصلح للموضوع فلاقينا إن فيه قطعة أرض تابعة لوزارة الزراعة مهملة ومبنى فى جزء منها حمامات عمومية بجوار موقف بنها ومبتتزرعش أى حاجة غير برسيم وبالمناسبة هى فى وسط منطقة سكنية كمان، فقلنا نقدم الطلب اللى صورته موجودة دى عشان بدل ما البرسيم مش بيفيد الناس فى البلد المصنع هيفيدهم وهيفيد عيالهم أكتر".
وأضاف بدر:"الأمر لم يعجب موظفى الإخوان فى وزارة الزراعة وتم تسريبه على أنه طلب فيه فساد وأن الأرض هتتخصص لشخصى مش لمشروع أغذية مدرسية حكومى ولا حاجة، موضحا أنه لا يعرف حقيقة ما نشر مؤخرا حول رفض تخصيص الأرض، خاصة أن القرار الجمهورى رقم 385 لسنة 2014 حوّل الأرض من ملكية الإرشاد الزراعى إلى أملاك الدولة وأصبحت تابعة لمحافظة القليوبية.
وشدد أنه لا صحة لما تردد حول أن المصنع مجاملة بسبب الانتخابات فى دائرة شبين، خاصة أننى سأخوض الانتخابات ضمن قائمة على مستوى 6 محافظات، وكل ما أعمل عليه هو خدمة الدولة، موجها كلمة للدكتور صلاح هلال، وزير الزراعة، قائلا: "لو فعلا اللجنة دى انت شكلتها فيا ريت وحضرتك كنت عضو مجلس محلى فى محافظة القليوبية قبل كده تبقى تسأل زمايلك هى فعلا الأرض بـ120 مليون جنيه زى ما قالت لك لجنتك ولا لا.. آخر حاجة أنا هكمل فى طريقى ولو حد مصرّ يجرنى لطريق الخناقات والشتيمة فى البلد اللى كانوا عاوزنى فيه من أول يوم فأنا مش هنجر للطريق ده وخلى الإخوان وخدمهم يموتوا بغيظهم ولو شايفين إن بناء مصنع حكومى على أرض حكومية لتشغيل شباب من محافظتى هو ده مكافأتى على دورى فى 30 يونيو فبقولهم عادى مش مهم بالنسبة لى كلامكم المهم إن أهل بلدى يشتغلوا وأشوف بلدى فيها مصانع.. موتوا بغيظكم جميعا"، وأرفق بدر صورة الطلب الذى تقدم به للوزارة.
