ما بحبش أكون ألا أنا
ما بحبش الرسميات
ولا عمرى لبست بدل
ولا أعرف الكرفتات
ومبروحش مؤتمرات
ولا بطلع على الفضائيات
ولا بحضر ندوات
ومش غاوى منظرة
أنا زى ما أنا
وما بحبش أكون ألا أنا
فى كل المناسبات
وما بحبش الرسميات
ولا باخترع حكايات
وبلعب مع العيال فى الشارع
وبحبهم كلهم وبينادونى بأسمى
وأناديهم باسمهم
ولما يتعاركوا
أصلحهم على بعضهم
هما دول بكرة اللى جاى
هما دول اللى فى عينهم الضى
أنا زى ما أنا
كل واحد مفكر نفسه شيخ قبيلة
يحط بينى وبينه سد
وبعرفه أن مهما كبر
أنه حاجة قليلة
ومش طالبة منظرة
ولا ناقصة فشخرة
وكل واحد فينا
لازم يعرف أنه قاطع تذكرة
رايح جاى
ورقة وقلم - أرشيفية
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
حنين
جميلة بجد
كلمات معبر من شاعر مخلص وجميل
عدد الردود 0
بواسطة:
حنين
جميلة بجد
كلمات معبر من شاعر مخلص وجميل
عدد الردود 0
بواسطة:
نهي العلي
كل سنة وانت طيب يا شاعر
عدد الردود 0
بواسطة:
سيساوي
مبدع
تحياتي لحرفك
عدد الردود 0
بواسطة:
ابو يوسف
تحية طيبة لشاعرنا الطيب
عدد الردود 0
بواسطة:
ابو السعود
وقف قدام كلامك كتير
لان فكرك حلو استمر
عدد الردود 0
بواسطة:
صفا الروح
رؤوووووووووووعة بجد
جميلة