فيسبوك
واتساب
مين اللى سرب الامتحان
تلميذ فاشل والا موظف
والا مدرس والا معيد
وأرجع أقول جيبتولى جنان
التلميذ شغلته بيذاكر
طول السنة ويفضل فاكر
إنه شطارته إنه يجاوب
ع الأسئلة فى الامتحان
بس خلاص النهارده
الأسئلة بتجيله لحده
ويقول فاكر أيام زمان؟
والوزارة بكل شطارة
شايلة إيدها بكل جدارة
حتى الشرطة مش بتقبض
ع اللى يسرب الامتحان
دا مفيش خيبة زى خيبتنا
ومفيش دولة زى حالتنا
ومفيش حد عنده ضمير
يرضى يسرب الامتحان
امتحانات
