صلاح السنديونى يكتب: كنت فين ؟

كنت فين من زمان........يا محسسنا بالأمان
ياللى مخلينا فى بلدنا.........الفقير والغنى إخوان
كنت فين والقناة.............كانت بس اتجاه
واحد بس بفضل الله......وبهمتك صبحوا اتنين
كنت فين والتموين...........زيت وسكر ونقول أمين
خليتهم انت حاجات كتيرة.......متشكرين متشكرين
كنت فين والغنى بيحلب.........دم الفقير عمال بيشرب
بس جيت انت ومحلب........خليته فاق بعد سنين
كنت فين والعالم عارف........إن المصرى معدش خايف
شبع هتاف شبع عواطف.........شبع رشاوى لموظفين
كنت نفسى ألاقى رئيسى.......بيخاف جدا على أحاسيسى
لحد ما جيت انت يا سيسى...........وعرفت طريق الفرح منين
عشت وعاشت أمنا مصر............قد الدنيا فى كل عصر
واللى فى كوخ واللى فى قصر.......بيقول يا سيسى كنت فين ؟