بالفيديو.. مواطن يهدد بشنق نفسه أمام محافظة الجيزة: «عايز أحافظ على شرفى»

هدد المواطن “سعودى نجاح عبد العليم الفرماوى”، بشنق نفسه أمام محافظة الجيزة، بسبب ما يمر به من ضائقة وعدم إيجاد مسكن له هو وعائلته فى الشارع بمنطقة الطالبية، على حد قوله.

وأضاف الفرماوى، خلال لقائه بـ «فيديو7»، قناة اليوم السابع المصورة، أمام محافظة الجيزة، “تقدمت بطلب شقة من سنتين للمحافظة ومعايا أوراقى اللى بتثبت إنى أنا راجل عاجز بسبب قطع فى إيدى، وكل ما أروح يقولولى تعالى كمان 10 أيام”.

وأجهش الفرماوى بالبكاء قائلاً “إحنا قاعدين فى الشارع وعايز أحافظ على عرضى وأهلى، ومعايا عيال مش عارف أوديهم المدرسة ومش عارف أعلمهم عشان مفيش مكان أقعد فيه”.

وأخرج حبلاً ملفوفاً حول عنقه مهدداً بالانتحار قائلاً “أشنق نفسى أهون لى من إنى أعيش كدة، ولا محافظ عايز يسمعنى ولا مسئول مهتم بحالى، ماليش مكان أقعد فيه ولا ليا دخل، ومش عايز غير مكان أقعد فيه وأحافظ على عرضى وشرفى”.