بالفيديو..مواطن يقدم شكوى لـ “الوزراء” بسبب استلامه شقة فى عقار آيل للسقوط

التقت كاميرا “فيديو7″ قناة اليوم السابع المصورة، أحد المواطنين يدعى “علاء حسن صالح” أمام مجلس الوزراء اليوم لتقديم شكوى إلى المهندس إبراهيم محلب رئيس الوزراء.

وقال صالح: عايش فى مدينة بدر استلمت شقة من جهاز مدينة بدر فى 10/12/2002 وبعد ما أخدتها بشهرين حصل شروخ ووهبوط فى قلب العمارة روحنا اشتكينا لرئيس الجهاز أنا والسكان اللى معايا علشان خفنا للبيت يقع علينا”.

وأضاف:”عملنا محضر رسمى 6493 بنيابة مصر الجديدة ومفيش جديد والناس اللى ساكنين معايا مشيوا بعد ما جت لجنة وقالت إن العمارة غير صالحة للسكن وأنا معنديش سكن تانى أروحه فضلت قاعد والكلام ده كان فى 2007 .. ودلوقتى قاعد أنا وأسرتى فى خيمة فى قلب الشارع ونفسى حد يرحمنا “.