وأضافت عبر صفحتها على "فيس بوك" قائلة: "تواصلت مع مركز نظرة ووصلونى بمحامى وطلبوا منى رقم المحضر فاتصلت بالرائد عشان آخده قالى إنه لسه منزلوش أصل أهل الولد جابوا أوراق تثبت إنه مختل نفسيا وبيقولى إيه رأيك تيجى تطلعى على الأوراق قولتله لأ أنا عايزة أمشى فى إجراءات المحضر والنيابة هى اللى تثبت إذا كان مريض ولا لأ وزميلى راح بعدها يأخد رقم المحضر عشان النيابة الصبح ملقاش المحضر نزل والأمناء هناك والمأمور بيفهموه إن الولد مريض وأخت الولد دكتورة جايبه ورق يثبت ده مع إنه بيشتغل فى شركة بتاعة تأمين ومتوزع تأمين على مستشفى السكة الحديد".
وأضافت فى تدوينة أخرى، اليوم: "فى النيابة دلوقتى عشان التحقيق أم الولد بتهددنى بقولها ابنك متحرش وبتهددينى كمان بتقولى إذا بليتم فاستتروا، هو فى فجر أكتر من كده يا ناس".
وطالبت سلمى وسائل الإعلام بمساعدتها، ونشر قضيتها، حتى لا تتعرض لظلم، ويعاقب المتهم ليكون رادعاً لكل من تسول له نفسه التحرش بالفتيات.

