مأساة شاب يرقد فى غيبوبة بسبب حادث أثناء مشاركته فى حملة انتخابات السيسى.. والد محمود: "بعت اللى ورايا واللى قدامى ومش قادر أعالجه والمحافظة طنشتنى".. و"عايز أعالجه علشان يشوف ابنه اللى اتولد"

حزن ويأس وبكاء.. حالة تعيشها أسرة محمود جمال محمد، الذى يبلغ من العمر 25 عاماً، لمعاناته الكثيرة مع المرض وحالة الغيبوبة التى يعيش فيها منذ عام بعد إصابته فى حادث دراجة بخارية على طريق الكورنيش أثناء مشاركته فى توزيع الدعاية الانتخابية للرئيس عبدالفتاح السيسى.

والد محمود: بعت اللى ورايا واللى قدامى ومش قادر أعالجه

ويقول والد محمود: "ابنى بيموت منى ومش حاسس بالدنيا بقاله سنة، ومش عارف أعالجه بعدما بعت اللى ورايا واللى قدامى عشان أصرف عليه، ومفيش حاجة أقدر أقدمها له غير الدعاء أن ربنا يشفيه".

بداية معاناة الابن تأخر الإسعاف على إنقاذه

وأضاف، أن "معاناة أبنى بدأت بعد تأخر الإسعاف على إنقاذه ورفض مستشفى الأميرى الجامعى استقباله لنقص الإمكانيات، كما رفضت مستشفى رأس التين العام استقباله لعدم توافر جهاز تنفس صناعى، فتم نقله إلى إحدى المستشفيات الخاصة التى بلغت تكلفتها 8 آلاف جنيه فى اليوم الواحد، بالإضافة إلى مبلغ 5 آلاف جنيه نتيجة الفحص الذى تبين أن ابنى يعانى من نزيف فى المخ والبطن وارتشاح على أغشية المخ، وكدمات دموية متعددة بالمخ، بالإضافة لكسر بعظمة الفخذ الأيمن".

الأب: مش لاقى فلوس أعالج ابنى والمحافظة طنشتنى

وقال الأب: "رجعت ابنى البيت عشان مش لاقى فلوس أعالجه بيها وقدمت شكاوى للمحافظة عشان تساعدنى ولكن لا حياة لمن تنادى، ونفسى حد يساعد ابنى عشان يشوف ابنه اللى اتولد بعد إصابته فى الحادثة وترك زوجته له بعد ما شاهدت ابنى فى هذه الحالة وفى غيبوبة ما زاد علينا الحزن والبكاء على حالته".

ويطالب والد محمود الرئيس عبدالفتاح السيسى بعلاج ابنه لأنه لا يستطيع الإنفاق على مصاريف علاجه الباهظة وحالته تزداد تدهوراً يومياً.