فيسبوك
واتساب
عايشين بنشحت فرح---ضحكة لوجه الله
دا القلب ياما صرخ-----فى غابة المُعاناة
سارحين فى دنيا الألم-----ومنّا ياما تاه
حتى المخاوى قلم---أصبحت حروفه متاه
*****
ليه الكآبة تفوز---------ودموعنا تغلبنا
والدمع لمّا يعوز--------تغرق مراكبنا
ياعمّ يا إنسان ---------ربّك مركّبنا
ما أروع البنيان---------وأنت تكركبنا
*****
البسمة لمّا تسود-------بتحقق الأحلام
والمجد لينا يعود-----وترفرف الأعلام
والخير أكيد موجود--ليه نصنع الآلام
منّك يارب الجود------والأمن والسلام
شخص يضحك
