بالفيديو.. وزيرة التطوير الحضرى من سوهاج: "الصعايدة فوق راسى"

نفت الدكتورة ليلى اسكندر وزيرة التطوير الحضرى ما أثير مؤخرا عن أنها قالت إن الصعايدة سبب العشوائيات وقالت: "أنا معملتش التصريح دا تصريح خاطئ 100% ولم يأتنى لوم من الرئاسة لأنهم يعرفون جيدا أننى لن أقول ذلك ومش ممكن أقول حاجه ذى كدا والسبب فى العشوائيات هو نقص فرص العمل فى الصعيد ودا اللى أنا قلته".


وأضافت خلال زيارتها لسوهاج اليوم السبت: "الصعايدة هم سبب العشوائيات بمصر دا كلام غير علمى وغير منطقى، إزاى حد يصدقه الناس بتنتقل من أماكن السكن بتاعتها لأى منطقة أخرى بيروحوا الكويت وبيروحوا ليبيا راحوا عملوا عشوائيات هناك بالطبع لا، بل ذهبوا لكى يبحثوا عن فرص عمل تعبوا وأشتغلوا دا اللى أنا قلته".

وتابعت: "إحنا محتاجين نوفر استثمارات نوفر فرص عمل متكونش تكنولوجيات عاليه قليلة استخدام معانا دا اللى أنا قلته وتصريح أن الصعايده سبب العشوائيات طلع معرفش إزاى".

واستطردت الوزيرة: "أنا أولا صعيدية وبوجه رسالة من هنا من سوهاج لكل الصعيد أن الصعايده فوق رأسى، وإذا كانت مصر تريد أن تقوم وتحل المشكلات وتعمل تنمية حقيقية لازم تبدأ من الصعيد، بالعكس دا عكس اللى اتقال تماما لازم نبدأ من الصعيد".