موظف بوزارة العدل لـ"محفوظ صابر": "بقالك يومين مستقيل والشغل زى الفل"

وجه أحد العاملين بوزارة العدل رسالة إلى المستشار محفوظ صابر وزير العدل السابق، قائلا له "بقالك يومين خارج الوزارة والشغل ماشى زى الفل.. بس لو كان عامل النظافة مجاش كان زمان الأمراض انتشرت فى شوارع مصر".

وجاء نص الرسالة على جروب اتحاد العاملين بوزارة العدل بموقع التواصل الاجتماعى "فيس بوك" الذى يضم أكثر من 6 آلاف موظف: "رسالة إلى المستشار محفوظ صابر.. بقالك يومين خارج الوزارة والوزارة شغالة زى الفل من غير وزير وكل المحاكم شغالة تمام.. بس لو عمال النظافة اللى بياخدوا زبالتك من شقتك أو الفيلا بتاعتك أخدوا أجازة أو منزلوش يومين فقط شوارع مصر كان زمان الوباء والأمراض انتشرت فيك وفى كل الناس.. عفوا "عامل النظافة أهم منك سيادة الوزير".. (إن لم تستحى فأفعل ما شئت).