والدة الطفل
وقالت "فاطمة.ح"، والدة الطفل، بتحقيقات النيابة العامة التى أشرفت عليها نيابة شرق القاهرة الكلية فى القضية المقيدة برقم 11982 لسنة 2014 جنايات المطرية: "ابنى متعود دايما ينزل الشارع ويلعب مع أولاد الجيران، زيه زى كل الولاد فى أى منطقة شعبية، وفى يوم الواقعة قالى يا ماما أنا نازل ألعب فى الشارع شوية، فأذنتله بالنزول، وبعد شويه لقيت الولد طالع بيعيط وزعلان جدا، فأنا اتخضيت عليه وسألته عن سبب عياطه".
وأضافت والدة الطفل: "الولد قالى إن فى واحد اسمه "هيثم" خدنى وقالى تعالى هجبلك كرة عشان تلعب بيها، راح واخدنى فى حتة ضلمة بعيدة شوية، وطلع سكينة من جيبه وقالى إقلع هدومك، وعمل فيا حاجات قلة أدب، ولما سألته فين "هيثم" ده نزل وشاور عليه وهو واقف على ناصية الشارع مع صحابه، وبعدين رحت لأمه وقلتلها على اللى حصل ومشيت، وبعد كده طلعت البيت علشان أكشف على الولد بنفسى، لقيت فى جسمه من ورا إحمرار ولقيت أن البوكسر بتاعه عليه آثار سائل منوى، قمت طالعة على القسم وعامله محضر".
الطب الشرعى
من ناحية أخرى، كشف تقرير الطب الشرعى الذى أعده الدكتور أحمد حافظ عن وجود آثار بدبر الطفل، وتبين وجود آثار سائل منوى على ملابس الطفل، وبسؤال الطفل المجنى عليه على سبيل الاستدلال قرر بقيام المتهم باستدراجه لإحدى المناطق النائية، وقام بتهديده بإشهار سكين لتجريده من ملابسه، وقام بوضع قضيبه بدبره، ولم يحدد الطفل عما إذا كان المتهم قد وضع قضيبه بدبره من عدمه، وذلك لعدم إدراكه لفهم الأمر.
وأضاف التقرير أن الطفل أكد أنه يشعر بألم من الدبر، بالإضافة إلى صعوبة فى عملية الإخراج، حيث استغرقت تلك الواقعة حوالى نصف ساعة.
إحالة المتهم للجنايات
وقرر المستشار محمد عبد الشافى، المحامى العام الأول لنيابات شرق القاهرة الكلية، إحالة المتهم للمحاكمة الجنائية، على خلفية هتك عرض الطفل، بعد تهديده بالسلاح وتجريده من ملابسه بمنطقة عين شمس.
موضوعات متعلقة:
إحالة أوراق أسرة متهمة بقتل طفل بعد اغتصابه فى الشرقية للمفتى
تم أضافة تعليقك سوف يظهر بعد المراجعة