د.صبرى إسماعيل يكتب: أكفُل يتيم

بحق سيدى النبى--------اللّى عليه وصّى
ازرع بقلبه الأمل-------وبرحمته اتوصّى
يبنى سنين دنيته-----------ويعدّل القصّة
كلّه ابتلاء ربنا----------للعامة والخاصة
******
خلّيه بحضن الدفا-------إرسم بقلبه الحِلم
إعزف معاه الصفا-----إروى الحياة بالعِلم
واحرص على بسمته-----ولاتبتليه بالظلم
وكن ساعات فرحته-----والعدل ويّا السِلم
*******
إيدك فى إيده سوا------وضد موج البحر
الكِلمة تبقى الدوا----------لكل ألم القهر
وطير معاه فى السما--وغوص لخير النهر
ودوق نعيم الدعاء------والإبتهال والشكر
*******
أكفل يتيم يرحمك----والبُشرى فى السُنّة
أكفل يتيم يسعدك-------فى الدنيا والجنة
تلقى الحبيب ع الدرب--والمولى يرحمنا
الفضل لك يارب---------والحمد والمنة