محمد عبد الله طاهر يكتب: الله يرحمك يا خال

أبكى يا مصر على حبيبك أبكى على فارس الكلام
أبكى على حتة من طينك طرحت ملاك فى انسان
ماسكك يا دموعى بالعافية و الكلمة فى لسانى بعافية
ايه اللى ممكن يتقال و معانى الكلمة مش كافية
أرثيك ازاى يا خال والكلمة شده الرحال
سابقة عالقبور محبوسة فى الصدور
رايحة تعزى فيك تواسيها و تواسيك
ما انت غالى عليها ويا ما غزلت بيها
ورسمت نسيج الوجدان بقلمك يا عبد الرحمن
بموتك حزن الكلام وقلنا عالحس السلام
لبس القلم الحداد ونعى فارس الكلام
الحزن فى القلب جبال بس لسة فيه احبال
تجعل ما بينا وصال الله يرحمك يا خال