يارب عديها على خير.. قالت زوجتى
سألتها والقلق دخل قلبى... على إيه يادنيتى؟
قالت دراع أمنا... دراع مصر
بادعيلها فى كل صلاة بالأمن يلبسها تاج النصر
سألتها وقلبى قرب ينط من صدرى نط
قلقتينى قوليلى متسبينيش أجدف زى التايه عن الشط
قالت شريكتى.. المؤتمر ده مش بس للاقتصاد
ده مش منتهى كل المراد
ده للسلام إعلان يشوفه كل الجايين
يعيشوا السلام على أرضنا وهمه آمنين
يتنسموا من هوا بلادنا
يستثمروا لأولادهم وأولادنا
بالأمن تكبر الشجرة نورثها لأحفادنا
سألتها تقصدى بإيه الشجرة ياحياتى
قالت تحقيق لمصر كل أمنياتى
قلتلها زيدينى كمان وكمان
قالت ميبقاش فيك يامصر فقر ولا حرمان
يعنى السياحة تبقى مع كل الفصول
وشمسية الأمان تدق معاها للخير طبول
وتروس نسمع أغانيها فى النهار والليل
نكتب بعرقنا للتصدر صنع فى مصر بلد النيل
ويبقى مؤتمر للاقتصاد كل عام
ومكانه يتغير فى أنحاء بلدنا بلد السلام
يشوفوا أحلى بلد بالحب تلاقيهم
ومية النيل بصفائها ترويهم
يارب عديها على خير
أنت يارب على سترنا قادر وقدير
مش عارف ليه أنا على عنيه مديت إيدى
مسحت دموعى وقلت للفرحة تعالى وزيدى
دا مصرنا هى سيدة كل عصر
قالت حياتى مصرنا دايما لابسة تاج النصر
ما أنت عارف يا حبيبى احنا بيها فى فخر
يارب أجبر كسرنا باقولها فى صلاة الفجر
قلت معاها يارب احمى بلدى فى كل دهر
اجعلها عروسة وكل الخير يبقى لها مهر
قولى معايا آمين
قالت آمين ... آمين ... آمين
والخير يحصده كل مستثمر وكل المصريين
***
تم أضافة تعليقك سوف يظهر بعد المراجعة