فيسبوك
واتساب
انا مش بخاف من صوت الرصاص ولا القنابل
انا صدرى مفتوح سمعونى صوت البلابل
انا ليك ياوطن مغروس على الحدود عود
رجلى بالارض وتد وراسى فى السما صمود
اياكم اشوف فى عينيكم ملامح دموع
بس لومت افتكرونى بالدعاء والشموع
افتكرو انى سبت لكم ابنى امانه
تعلموه يعني ايه معنى الوطن امانه
تعرفوه ان ابوه مات بيدافع عالامانه
ولا سابش يوم مكانه للعدو مهانة
علموه ان كتير مش عاوزنا كويسين
عاوزنا ديما متفرقين متقاتلين
على قوتنا وعلى دمك ياوطن متأمرين
علموه ان سلاحه فى علمه واخلاصه
وانه يحط كل فلوس العالم تحت مداسه
علموه معنى الوطن وسمعوه صوت البلابل
ولا يخافش من صوت الرصاص ولا القنابل
شهداء سيناء
