اللى عاوزك تبقى أمة
ومجرى نيلك يبقى دمه
يبعد الخوف عن عيونه
لو هيبقى صباع يسد
عصر حبك م انتهاش
لسه فينا طبع غالى
لسه فينا كتير وياما
اللى خلى يوم عدوك
يبقى زى الكلب جد
اثبتى جوه ف عرينك
ياما دقت على الراس طبول
من التتار ويا المغول
وانتى يامه لسه باقية
تبنى لينا ف صخر سد
اوعى تبكى على اللى باعك
لجل كرسى أو لمال
واللى حاولوا يفرقونا
أصلهم حبة عيال
واللى يسندهم رخيص
عمره ماعرف النضال
كل بلده بيتين ونخله
كلمة قالها زمان جمال
الزعيم وسطينا خالد
والجبان من بينا يخلى
اللى حبك فى القيادة
أصلهم منا وبينا
إحنا مش عبيد بيادة
دولا ناسنا وأهالينا
عمرهم ليك بجد
صبحى ثابت بشاى يكتب: ياما دقت على الراس طبول
الثلاثاء، 24 فبراير 2015 12:11 م
مواطن مصرى
لا توجد تعليقات على الخبر
تم أضافة تعليقك سوف يظهر بعد المراجعة