رمضان زكى معتوق يكتب: صباح الخير يا أمى

مدرسة الحياة سمى وصلى
من غير مقابل تحملى همى
لفرحى فرحانة يا أمى
لهمى مهمومة لحزنى
بصبح عليكى يا غالية
صباح الخير يا مزيونة نقاء
صباح الطيبة بترفرف ضياء
صباح من شوقى مستنى اللقاء
صباح النور يا حلوة
صباح معطر بغنوة
صباح بحروفك الكلمة
صباح منور الضلمة
يا سر الحياة
يا سر أسرارى وقبلة الحياة
وليست الحياة بدونك حياة
صل من أجلى صلاة
وارفعى إيدك بدعوة للإله
واطلبى من المولى جاه
جاه ليكى يحميكى بسخاء
لكن انتى بالقناعة والرضاء
تأثرى نفسك علينا بالعطاء
من أجلك ربى واهبنا هباه
والسر انتى فى لحظة مناجاة

اسألوا الصغير من مكتفاه
واسألوا الكبير عن سر العطاء

السر
انتى يا سر الوجود
انتى يا عطر العهود
انتى يا ود الودود
انتى يا ورد الخدود
انتى يا زهر الورود
انتى يا جنة خلود

انتى يا رى الشجر
انتى يا ضى القمر
انتى نسم العمر
انتى يا أمن الخطر
انتى يا منح القدر
انتى يا در البدر
انتى يا شط البحر
انتى يا مغزى العبر
انتى يا عبق العطر

يارب
يا سميع يا مجيب الدعاء
اسقى أمى الفرح دون اكتفاء
واجعل الجنة نهايتها جزاء