خالد صلاح

برعاية سوبر كورة

سوبر كورة

سارة عادل تكتب: أنا المصرى

الخميس، 05 نوفمبر 2015 09:40 ص
سارة عادل تكتب: أنا المصرى شخص يرفع علم مصر

مشاركة

اضف تعليقاً واقرأ تعليقات القراء
أنا مصرى
وليا الفخر أكون مصرى
وسافرت أنا حاطط
على كتفى
وسام الفخر بكينونتى

أنا مصرى
ما بين أيام
ولما وصلت
لقيتنى بقيت
عايش وافد
أنا ..... وافد
عايش على حلم إنى أعود
على بلدى
على رجلى
ومش فى تابوت

أنا وافد
وفى بلدى
سايب صورة
معلقها على حيطتى
وبروازها قديم مهزوز
كانت أمى يوماتى تجرى
على اوضتى تنضفها
وتطل على صورتى
وتدمع عينها وتقولى
يا ولدى متى هتعود
متى تيجى وتسندنى
ده انا رجلى بقت عاجزه على الوقفة
وبتعكز بعكازى
لكن لوجيت صدقنى
راح اطير وانط من الفرحة

أنا مصرى
وعشت غريب
فى بلاد مهياشِ ببلادى
عايش مبقولش غير حاضر
عشان اللقمه والمأوى
عشان فى يوم ملقــيــتشِ
حق العيشة فى بلادى
عشان زمان انا فكرت
بلاد العرب دى بلادى

أنا مصرى
أنا عربى
أنا فى الدنيا عشت وحيد
عايش مهزوز
عايش منبوز
وفى الآخر
بموت مدهوس


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة