فيسبوك
واتساب
مدينة السلام بقيت حرب والآم
لا عاد فيها أمان ولا عين ف ليل بتنام
كل يوم دخان وصراخ وقت الأذان
ودم عمال بينزف على أرض بتقول حرام
ووشوش أطفال حزينة ضاع منها الأمان
وايدين ماسكة حجارة بترجم الشيطان
وسور البراق بقى مبكى والصلاة باستئذان
وأجراس عمال تنادى مين يوقف الطغيان
وحمام بيهجر عشه خايف من الغربان
والحلم الجميل اتكسر وماعدتش فيه احلام
وطال الليل وأتأخر والصبح أمتى يبان ؟!
ورقة وقلم
