وائل عبد الودود حسين يكتب: السبع وصايا لنائب البرلمان

أول وصية اوعى تبيع أى قضية
وابعد عن المصالح الفردية
دى الحصانة مش عشان البيزنس
ولا القروض بضمانات وهمية
ولا تستغل أى سلطة ليك
فى تسهيلات ومكاسب شخصية

ثانى وصية يكون عندك برنامج انتخابى
ملتزم بيه ويكون إيجابى
ولا على حد تحابى
ومع كل الناس واقف حيادى

ثالث وصية ملم بالتشريعات والقوانين
نابذ للعنف وغير متشدد فى الدين
تكمل خارطة المستقبل والعملية السياسية
وتبادر فى المشاركة قبل الناس أجمعين

رابع وصية لازم تكون مثقف وفاهم
فى السياسة والقانون واعى وحازم
واضح وصريح ولا تتلاءم
قوى وفى صوت الحق تكون صارم
عادل ولا تكون ظالم

خامس وصية نظيف اليد وعفيف اللسان
مع الناس خليك انسان
خليك صوتهم فى البرلمان
واعى تخاف وتكون جبان

سادس وصية البطالة ومشاكل الشباب
افتح لهم الف باب
اكتشاف مواهب ومراكز شباب
فرص عمل ووظائف فى شركات
ولأهل الدايرة توفر الخدمات

القضاء على العشوائيات، رصف طرق ومستشفيات
صحة وتعليم ومشاكل الصرف الصحى
مساعدات اجتماعية وغيرها من المجالات
للشباب غير القادر على الزواج
للمريض غير القادر على العلاج
لكبار السن وذوى الاحتياج
استمع لمشاكل وتلقى الطلبات
قدم الحلول وتوفير الاحتياجات
التواصل مع أهل الدايرة بالعمل
ارسم لهم طريق الفرح والأمل

سابع وصية أهم وصية
مصر بلدنا أهم قضية
هيه أم الأمة العربية
تبقى قوية تبقى عفية
هيه الأولى مش الثانية
خلى راسها دايماً عالية

هى الأصل هيه الغالية
سلم لها وأخلص النية
فكر فيها قبل اى حاجة تانية
هتلاقى منا أعظم تحية