بالفيديو.. الثعلب الصغير: "بلاش ننفخ فى لاعبينا كتير علشان ميبقوش ذكرى"

شدد حازم إمام نجم الزمالك ومنتخب مصر السابق، على ضرورة عدم الإشادة باللاعبين بشكل مبالغ فيه حتى لا يشعرون بانهم قاموا بعمل مستحيل، بعد الفوز على منتخب تشاد بأربعة أهداف، موضحاً أن المنتخب التشادى ليس من المنتخبات الكبرى التى يُثار حولها ضجة ضخمة بعد الفوز عليه.

وقال الثعلب الصغير أثناء تقديم برنامجه "الملاعب اليوم" عبر شاشة "الحياة 2" :"خلينا بشويش على لاعبينا شوية، فى لعيبة كتيرة فى مصر ما بتستحملش النفخ، وبتقعد بقى تتصورلى وتعملى حاجات، وتنزل صورة الأسد والوحش، والغضنفر، وبعد كده نشوف منه ذكريات مع أنه لسة صغير، لأنه بيعيش على الماتشات اللي زى دى".

وتابع: "نقول على الناس دى جامدة جداً لما تكسب نيجيريا، أو لما توصل كاس العالم، أو كأس أفريقيا، ونقول عليهم وقتها فعلاً لاعيبة جامدة ليو ميسى، وفعلا الحاوى والأسد، ونشوف بقى وقتها الأسماء اللي بتبقى قذف جبهة".

أضاف حازم إمام، أنه يجب الاعتدال سواء فى الإشادة أو النقد، من أجل مساندة المنتخب لتحقيق حلم المصريين بالتأهل لكأس العالم.