ساعات ببقى عايز أبكى
بدون أى سبب
وبدون مقدمات
جوايا وجع وفى قلبى
حزن وألم وهموم وأهات
نفسى أصرخ صرخة قوية
تشق جدار الخوف
وتكسر حاجز السكات
نفسى لما عيالى
يصحونى الصبح
يقولوا أبونا مات
أبونا مات
ساعات
بتنزل دموعى لوحدها
مش عارف إذا كانت بتنزل
على عمرى اللى جاى
ولا على عمرى اللى فات
أيامى كلها
شكل بعضها
الجمعة زى التلات
عايش من غير أمل
عايش من غير عمل
حياتى كلها أجازات
رغم أنى موجود فى كل حدث
ولكنى حاسس أنى على قائمة الأموات
شخص حزين
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
pkdk
ابكيتنى
روعة ومؤثرة
عدد الردود 0
بواسطة:
العربي حسن الشامي
تفاءل ترتاح