خالد صلاح

هشام فؤاد يكتب: ضمتك لحظة ميلادى

الأحد، 15 نوفمبر 2015 10:00 م
هشام فؤاد يكتب: ضمتك لحظة ميلادى أم وابنها - أرشيفية

مشاركة

اضف تعليقاً واقرأ تعليقات القراء
أنتى أمى عرفتها بدقة من قلبك لقلبى
يبدأ التاريخ فى حضنك ضمتك لحظة ميلادى
قبل ما أعرف فين عيونى واللى لسه مستخبى
أنتى ريحتك طمنتنى عمرى يبدأ م اليلة دى

أول الدم ف وريدى م البداية كان بدمك
أول الرزق الإلهى بين شفاهى كان فى صدرك
قبل ما انطق بالحروف تهته اللسان باسمك
أول الرجلين ما خطت حتى تاتا فى اتجاهك

مش هوفى مهما أحاول من ميلادى للممات
حق صرخة طلقة واحدة والألم دام بالساعات
عمرى ما حسيت بحزنك شايلة همى من سكات
شايلة همى الجاى كله واللى موجود واللى فات

مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة