محمد عبد الله طاهر يكتب: أنتِ فين يا حكومة؟

آسفين يا اسكندرية مش عارفين ينقذوكى
نسيوا إنك ماريا ورسموا حبك كروكى
اتشلت الشوارع واتهدت البيوت
والحزن على اللى فارق وكان نصيبه الموت
أتشردت عفونه وأتفرقت أرواح
أنتِ فين يا حكومة ولا اللى راح راح
بشر مات من مطر عشان ضمير إنسان
اتحجر ذى الحجر والقلب قاد بركان
اكتب واصرخ يا قلم واتك على الحروف
يمكن تخفف ألم قلب مات من الخوف
سال حبرك نسايل دم على خدود الكلام
على ورقة شايلة الهم عاجزة تشكى الآلام
قلوب قايدة نار ومين اللى هيطفيها
طوفان هد الديار جاب عاليها وطيها
خطف الطوفان العيال من حضن أهاليها
قام فى قلوبها زلزال نشف بُكى عنيها
مين اللى قتل محمود وقال ماقتلتش
الإهمال ولا العمود ولا ماحدش
نجوى ماتت غرقانة وجدها جنبها
ماتت شهيدة عفونة وأمها زادها
يا ترى فين أمها أبوها بيدور
ماتت حزينة على بنتها تقدر تتصور
وقعت من حضنها وهى بتصرخ
نبوس إيديكى يا حكومة اتحركى بسرعة
دى عفونة المنكوبة من قرية بقت ترعة