وائل عبد الودود حسين يكتب: اصبر عليها واضحك لها

لما الدنيا تقفل بابها اصبر عليها واضحك لها
جايز فى مرة تانية تحلى تفتح ايدها وتحبها
لما الحظ يعاند مرة جرب تانى وما تيأسـش
ولما تحاول بكره هـتوصل أوعى تزعل وما تندمـش
يمكن حلمك يبقى حقيقة بعد ما كان فى يوم خيال
ده الحال يتغير فى دقيقة ولا كان يخطر لك على البال
طول ما فيه حياه فى الدنيا طول ما فيه أمل موجود
ولو كان حلمك قد الدنيا ممكن يوم يعدى الحدود
كنت زمان طفل صغير كان حلمى لعبة وبسكوت
ولما كبرت كبر واتغير والحلم بقى صورة وصوت
اوعى تبطل تحلم يوم خليه قصادك كل يوم
أسعى أتحرك حقق حلمك ودع كسلك سيب النوم
يله يا مصرى قوم اتحرك وبلاش لعب وكسل
مرة تصيب ومرة تخيب وأكيد هتوصل بالعمل

اوعى تعلق يوم شماعة وتقول فين انا تعبان
أتعلم بقه من اللى قبلك وأكيد يوم تكون كسبان