نصر فتحى اللوزى يكتب: الأسعار والمعاش

الجمعة، 13 نوفمبر 2015 06:38 ص

أرشيفية

اضف تعليقاً واقرأ تعليقات القراء

كأنى حطيت دماغى غلط على السندان
مرزبة الفواتير بتدق نافوخى فى جنان
فاتورة الكهربا خلت آمالى فى التوهان
فاتورة الميه بتكوينى دايما انا عطشان
أنبوبة الغاز زى مسطول فى السرحان
عايش فى نار معاش هزيل بلا عنوان
أسعار دايما مجنونة جاية من مرستان
ياناس ارحمونا وافتكروا أن أنا إنسان
كفاية وعود مسكنات كله فى البادنجان
بقيت هزيل وفى شهور الصيف سقعان