عادل فهيم: "لن أسمح بالمنشطات حتى لو ملعبتش كمال أجسام خالص"

قال عادل فهيم، رئيس الاتحاد المصرى لكمال الأجسام، اتخذت قرارا على نفسى لو هموت مش عايز أكسب بطولات العالم ، قائلاً "9 سنين أول عالم و كل سنة يطلعلى عدة حالات منشطات، أنا السنة دى أخدت قرار و ا عودة فيه محدش هيسافر إلا لما يكون نظيف واللى مش نضيف ميشرفنيش".

أوضح رئيس الاتحاد المصرى لكمال الأجسام، بمداخلة هاتفية ببرنامج "مع شوبير" المذاع على فضائية "صدى البلد 2"، أنه سافر بثلاثة لاعبين فقط على حساب الدولة بدلاً من العدد المقرر وهو 15 لاعبا، مشيراً أنه قام بطلب التحاليل بنفسه التى أظهرت تواجد 14 حالة إيجابية.

أضاف "أنا مصمم لآخر يوم فى عمرى على أن المنشطات بتحطم أجهزة الجسم وتسبب أورام وتؤدى إلى الوفاة، وعندى فى مصر كل سنة شاب فى عز شبابه بيموت.. وأنا أب.. لن أسمح بالمنشطات ومتصورش الحملة اللى عاملينها تجار المنشطات عليا واللعيبة اللى بعضهم طلع لديهم حالات إيجابية ولكن أنا كأب لن أسمح بالمنشطات لو حتى ملعبتش كمال أجسام خالص".