لا يا بابا لأ ما تهزش الصورة
ما تعيشناش فى غربة بقلوبنا مكسورة
أحنا محتاجينلك ومحتاجين ماما كمان
ومش أحنا اللى هنقول لك أزاى نعيش فى آمان
أوعى تنسى أنك حبيت ماما زمان
هى وأحنا وأنت لبيتنا العنوان
فكر شوية يا بابا قبل ما تسيبها
دى ماما دى غلبانة حبيبتك وحبيبها
هتسيبنا ليه فى دوامة تضيع دنيتنا
دا ياما ضحكنا ياما والدنيا حضنتنا
لا يا بابا لأ ما تهدش حلمنا
عايزين نعيش حياتنا مع بعض كلنا
ما تقولش مع السلامة و تغادر عشنا
دا قلوبنا أكيد محتاجة لأبونا وأمنا
حط أيدنا فى أيدك وصالح أمنا
يا بابا دا أنت حبيبها وعنوان لحبنا
بص فى عين أختى صدقنى هتزعل أوى
يا بابا دا أنت صورتى وضهرى بيك أوى
صالحها عشان خاطرنا حسسنا بالأمان
دى ماما دى شايلانا وحبيبتك من زمان
معقول يا بابا تنسى فى ثانية كل حاجة
دا قلبها بلسم والحب فيه زيادة
والطيبة اللى فى قلبها هى سر السعادة
ورقة وقلم
لا توجد تعليقات على الخبر
تم أضافة تعليقك سوف يظهر بعد المراجعة