نشأت رشدى منصور يكتب من أستراليا: هو ده الإخلاص؟

الأحد، 04 أكتوبر 2015 10:00 م

ورقة وقلم

خلاص .. خلاص
من بعد اللى
شفته منك
الإخلاص كله منى
والغدر كله منك
كلمة خلاص ..
من قلبى بأقولها
بإخلاص
قد أيه اديتك من حبى
وازاى عشت
علشانك وليك
وف كل مرة كنت
من كتر حبى
أتابع. كل خطاويك
ولا ف يوم فكرت
أنى أغلط فيك
حتى ولو بكلمة
كنت بأحاسب نفسى
على كل كلمة
يمكن تكون خرجت
غصب عنى
أثرت فيك.
مالقتش أى كلمة
إلا كلام الحب والإخلاص
اللى كان بيصدر منى
ودلوقتى هجرتنى
ولا أعرف فين أراضيك
هو ده الإخلاص؟
ولا ده من سمات العصر
اللى تحبه وتخلص له
ما تلاقى منه غير الجحود
والكلام المعسول
اللى مالوش عملة
ولا يمكن صرفه
من أى بنك