ريهام سعيد لـ"فتاة المول": "أقسم بالله أنا سترت عليكى.. وهفضل أستر عليكى"

عرضت الإعلامية ريهام سعيد، فيديو للفتاة المتحرش بها بأحد المولات بمصر الجديدة، سمية عبيد، قبل بدء لقائها أمس، وهى تحمل هاتفها المحمول، ردًا على اتهامها بسرقة صور لها من الهاتف، قائلة :"انا واقفة بضحك وراها وهى واقفة عادى خالص وماسكة الموبايل فى ايديها، ومحدش خد موبايلها".

وقالت ريهام سعيد خلال تقديمها برنامج "صبايا الخير"، على فضائية "النهار": "أشخاص كثيرون يوسّعون فى بيوتهم ولديهم أموال كثيرة، ويكبرون فى أسمائهم وجاههم والشهرة، ولكن كلنا هيبقى مقاس قبورهم واحد، وهننزل فى متر فى متر.. وأنا بشيل هم اليوم ده.. وأقسم بالله أنا سترت عليكى.. وهفضل أستر عليكى.. ولو عملتى إيه هفضل ساترة عليكى".

وأضافت: "لو عاوزة تطلعى بطلة.. اطلعى بطلة زى ما انتى عاوزة.. ولو فى صور على موبايل أى واحدة ممكن يتسرق، تحبى أعرض الحاجات التانية اللى معايا تشوفى ممكن تبقى على موبايل ولا لا؟".

وقطعت ريهام سعيد كلامها، وتركت هاتفها على المنضدة بالاستوديو خلال شرح الموقف قائلة: "أنا مش هتكلم لأنى حلفت إنى مش هتكلم لأن عندى بنت.. انتى جميلة وحلوة والراجل تحرش بيكى.. وماقلتش أى حاجة امبارح على إنك وحشة، أنا قلت انتى مش منكسرة ومش بتحكى الحكاية وانتى مضايقة وشايفة إنك جريئة أوى.. وشايفة إنك أكيد عملتى غلط شجعه إنه يعمل كده".

أخبار متعلقة..

ريهام سعيد لـ"فتاة المول":واجبى وأخلاقى وشرفى منعونى أقول مين بعتلى صورك