فيسبوك
واتساب
قالوا عنى أنى
حتة ورقة
تلاقيها فى المكتبات
مهما كان لونى
أصفر أو أخضر
لزوم المحبين والغراميات
وزى ماعند الناس
للورق مقامات
لكن قيمتى فى الكلمة
المكتوبة بالحبر والمداد
اللى بترفعنى وتنقلنى
من مرحلة الإحباط
لما ألف بلاد وبلاد
من بعد ما يعملوا منى
ألف كتاب وكتاب
ويدخلونى مسابقات
ولما اكسب ترتفع هيبتى
وارفع راسى بين ناسى
اللى قدرونى وقلدونى
بالعقد الماسى
من وقتها وأنا باراجع
كل كلمة بتترسم على جبينى
علشان مش كل كلمة تنكتب
بتريح ضميرى
أقدر اللى يقدرنى
وابعد عن اللى
يمس عذريتى
أو يحاول يشوه سمعتى
أنا الورقة البيضاء
عايز أقول له
ابعد عن طريقى
ودور عن غيرى
ورقة وقلم
